တုပ်ကွေးကွေးတဲ့အခါဘယ်လိုစားသောက်ကြမလဲ

 by ပိုပိုဇော်(သဘာဝအားအင်) on Friday, January 4, 2013 at 1:25pm 

တုပ်ကွေးဖြစ်စေတဲ့ Influenza ဆိုတဲ့ ဗိုင်းရပ်စ်ပိုးတွေဟာ ဆောင်းရာသီနဲ့ မိုးရာသီတွေမှာ ပိုပြီး ထကြွသောင်းကျန်း တတ်လို့ အဲဒီရာသီတွေမှာ လူတွေက နှာရည်တရွှဲရွှဲ၊ ကိုယ်လက်ကိုက်ခဲပြီး ချမ်းစိမ့်စိမ့် တုပ်ကွေးမိတတ်ကြပါတယ်။ ချောင်း ကဆိုး၊ လည်ချောင်းကနာ၊ တစ်ကိုယ်လုံးနုံးချိပြီး ဘာမှမလုပ်ချင်၊ မကိုင်ချင်ဘဲ အိပ်ရာထဲမှာပဲ ခွေနေချင်စိတ်ပေါက်လာတတ် ကြပါတယ်။ 

ရိုးရိုးအအေးမိတာနဲ့ ရောဂါလက္ခဏာ အရမ်းဆင်တူတဲ့ တုပ်ကွေးက တစ်ခါတလေ ဆေးရုံတက်ရတဲ့အထိ ပြင်း ထန်ပြီး အဆုတ်ရောင်တဲ့ဘက်ကိုလည်း ကူးသွားနိုင်ပါတယ်။ ကလေးငယ်လေးတွေမှာ၊ ကိုယ်ဝန်ဆောင်မိခင်လောင်းတွေမှာ၊ ဘိုးဘိုးဘွားဘွားတို့မှာ၊ ရောဂါအခံတစ်ခုခုရှိတဲ့သူတွေမှာ တုပ်ကွေးဖြစ်ရင်လည်း ပိုပြီးစိုးရိမ်ရတတ်ပါတယ်။ တုပ်ကွေးရောဂါ က ဖြစ်စေနိုင်တဲ့ Influenza ဗိုင်းရပ်စ်ကို ကာကွယ်ပေးနိုင်တဲ့ ကာကွယ်ဆေးကပေါ်နေပြီဆိုပေမယ့် တုပ်ကွေးပိုးက သူ့ရဲ့ မျိုးရိုးဗီဇကို တစ်ချိန်လုံး ပြောင်းလဲနေတတ်လို့ ကာကွယ်ဆေးကို တစ်နှစ်တစ်ကြိမ် မှန်မှန်ထိုးပေးဖို့တော့လိုပါတယ်။

တုပ်ကွေးကိုကုရင် မဖြစ်မနေ လိုအပ်တာက အရည်များများသောက် ပေးဖို့ပါပဲ။ ပြီးတော့ အနားယူရပါမယ်။ အလုပ်ကို မသွားလို့မဖြစ်တဲ့ အခြေအနေဆိုရင်လည်း နှာချေ၊ ချောင်းဆိုးရင် တစ်ရှူးလေးနဲ့တော့ အုပ်ထားမှဖြစ်ပါမယ်။ နို့မဟုတ်ရင် တုပ်ကွေးပိုးက လေထုထဲကနေ (နှာချေတဲ့အခါ ထွက်တဲ့အချွဲရည်အစက်တွေကနေ) ကူးနိုင်လို့ပါ။ ပြီတော့ တုပ်ကွေးရာသီ တွေမှာ လက်ကို မကြာခဏ ဆပ်ပြာနဲ့ သေသေချာချာဆေးပေးပါ။ မျက်လုံး၊ နှာခေါင်း၊ ပါးစပ်တွေကို လက်မဆေးဘဲ ကိုင်မိရင် လက်မှာကပ်နေတဲ့ တုပ်ကွေးပိုးက ပျော်ပျော်ပါးပါးကြီး ခန္ဓာကိုယ်ထဲကို ၀င်သွားပါလိမ့်မယ်။

ကဲ ... တုပ်ကွေးအကြောင်း အကြမ်းဖျင်းသိသွားပြီပေါ့။ တကယ်လို့များ တုပ်ကွေးဖြစ်ခဲ့ရင် ငြီးငွေ့စရာ ဆန်ပြုတ်၊ မြူစွမ်ပြုတ်၊ ကြက်သားပြုတ်ကြော်၊ ကြက်ဥပြုတ်တွေအစား တုပ်ကွေးအတွက် ကောင်းမွန်အဆင်ပြေတဲ့၊ စားကောင်းပြီး အရသာရှိတဲ့ အစားအသောက်တွေကို တန်းစီဖော်ပြပေးလိုက်ပါတယ်။

ရေခဲချောင်း

ရေခဲချောင်းစားပြီးရင် လည်ချောင်းနာတာ၊ အာခေါင်ခြောက်တာ သက်သာပါတယ်။ တုပ်ကွေးရောဂါ ပျောက်ကင်းဖို့ အတွက် အဓိကသော့ချက်ဖြစ်တဲ့ ရေဓာတ်ပြည့်ဝစေရေးဆိုတာနဲ့လည်း ကိုက်ညီပါတယ်။ ရေဓာတ် လုံလုံလောက်လောက် ရှိနေမှ ခန္ဓာကိုယ်ကထွက်တဲ့ အချွဲရည်တွေ (ဥပမာ နှာရည်၊ သလိပ်တွေ)က စေးကပ်ပျစ်မနေတော့ဘဲ ကျဲလာတာပါ။ ဒါကြောင့် ရေဓာတ်လုံလောက်နေရင် နှာပိတ်တာ သက်သာပါတယ်။ အကောင်းဆုံးကတော့ သစ်သီးရည် ၁၀၀%ပါတဲ့ ရေခဲချောင်းတွေကိုပဲ ရွေးစားပါ။ နို့မဟုတ်ရင် အာဟာရဓာတ်တွေအစား သကြားရည်တွေ စားမိနေသလို ဖြစ်နေပါလိမ့်မယ်။ ပန်းသီး၊ စပျစ်သီးနဲ့ စတော်ဘယ်ရီ ရေခဲချောင်းတွေက အရသာလဲရှိ၊ တုပ်ကွေးအတွက်လည်း ထိရောက်ပါတယ်။

ကြက်ဆင်သားဆင်းဒ၀စ်(ခ်ျ)

စိတ်မကောင်းစရာ ကောင်းတာကတော့ မြန်မာပြည်မှာ ကြက်ဆင်သားက အမြဲတမ်း အလွယ်တကူ မရနိုင်ပါဘူး။ ဒါပေမယ့် နိုင်ငံရပ်ခြားရောက်နေတုန်း မတော်တဆ တုပ်ကွေးဖြစ်ခဲ့မယ်ဆိုရင် ၀ယ်စားလို့ရအောင် ထည့်ပြီး ဖော်ပြပေးလိုက် ပါတယ်။ ကြက်ဆင်သားက အဆီနည်းပြီး ပရိုတင်းဓာတ်အပြည့်ပါတဲ့အစာပါ။ တုပ်ကွေးမိနေချိန် ကြက်ဆင်သားစားပြီးရင် အားအင်ပြည့်ဝလာပြီး တုပ်ကွေး မြန်မြန်သက်သာစေပါတယ်။

အသီးအရွက်

တုပ်ကွေးမိနေတဲ့အချိန်မှာ အသီးအရွက်တွေက ကောင်းမွန်သင့်တော်တယ်ဆိုပေမယ့် သုပ်စား၊ ကြော်စား၊ ချက်စား ရတာ ငြီးငွေ့တယ်ဆိုရင် ဖျော်ရည် ဖျော်သောက်ကြည့်ပါ။ ကျန်းမာရေးအတွက် ကောင်းမွန်တဲ့ ဓာတ်တိုးဆန့်ကျင်ပစ္စည်းတွေ ရရှိသလို ရေဓာတ်လည်း ပြည့်ဝပါတယ်။ အချို၊ အငန်တွေထည့်ဖို့ မစဉ်းစားဘဲ ၁၀၀% အသီးအရသာ အပြည့်နဲ့ ဖျော်ရည်ကိုပဲ သောက်ပေးပါ။

ကြက်စွပ်ပြုတ်

မရိုးနိုင်တဲ့ တုပ်ကွေးစာပါ။ အားပြည့်စေတယ်။ ရေဓာတ်ပြည့်ဝစေတယ်။ သိပ္ပံပညာရှင်တွေရဲ့ လေ့လာတွေ့ရှိချက်တွေ အရ ကြက်စွပ်ပြုတ်မှာ မြန်မြန်နာလန်ထူစေတဲ့ အစွမ်းနဲ့ နာကျင်ရောင်ယမ်းမှုတွေကို အတော်အတန် လျော့ပါးစေတဲ့ သတိ်္တရှိ ပါတယ်။ လူတွေရဲ့နှာခေါင်းထဲမှာ Cilia လို့ခေါ်တဲ့ ဆံပင်မျှင်မျှင်ကလေးတွေနဲ့တူတဲ့ အစိတ်အပိုင်းတွေရှိနေပါတယ်။ အသက် ရှူတဲ့အခါ နှာခေါင်းပေါက်ကတဆင့် ဘက်တီးရီးယားနဲ့ ဗိုင်းရပ်စ်တွေ မ၀င်နိုင်အောင် Cilia တွေက ကာကွယ်ပေးပါတယ်။ ကြက်စွပ်ပြုတ်က အဲဒီ Cilia တွေရဲ့ အရည်အသွေးကို ပိုမိုမြင့်မားကောင်းမွန်စေပါတယ်။

ကြက်သွန်ဖြူ

တုပ်ကွေးမိတဲ့အခါ တခြားဟင်းခတ်အမွှေးအကြိုင်တွေအစား ကြက်သွန်ဖြူကို ရွေးပါ။ စွပ်ပြုတ်နဲ့ ကြက်သွန်ဖြူ သိပ်လိုက်ဖက်ပါတယ်။ ကြက်သွန်ဖြူမှာ ဘက်တီးရီးယားနဲ့ ဗိုင်းရပ်စ်တွေကို တိုက်ခိုက်နိုင်တဲ့ သတ်္တိနဲ့ ခန္ဓာကိုယ်ရဲ့ ခုခံအားစနစ်ကို လှုံ့ဆော်အားပေးတဲ့ သတိ်္တတွေ ရှိပါတယ်။ ပြီးတော့ ကြက်သွန်ဖြူစားရင် နှာပိတ်တာလည်း ယာယီ သက်သာစေပါတယ်။

ချင်း

အစာအိမ်အောင့်နေပြီလား။ ပျို့အန်ချင်စိတ် ပေါက်နေတာလား။ အိမ်တိုင်းမှာရှိတဲ့ ချင်းက အဲဒီဝေဒနာတွေကို သက်သာစေပါတယ်။ တုပ်ကွေးမိနေတုန်း ချင်းကိုပါးပါးလှီးပြီး (ဒါမှမဟုတ်) ထောင်းကာ အရည်ညှစ်ပြီး ဟင်းထဲ ထည့်ချက် စားနိုင်ပါတယ်။ ရေနွေးပူပူကို ပါးပါးလှီးထားတဲ့ ချင်းဖတ်လေးတွေ ခတ်သောက်ပေးတာကလည်း အရသာကောင်းပါတယ်။

ရေနွေးကြမ်း

မြန်မာရေနွေးကြမ်း၊ တရုတ်ရေနွေးကြမ်းနဲ့ Green Tea စတဲ့ ရေနွေးကြမ်းအကုန်လုံးမှာ ရောဂါကို တိုက်ဖျက်နိုင်တဲ့ ဓာတ်တိုးဆန့်ကျင်ပစ္စည်းတွေ ပါပါတယ်။ ရေနွေးငွေ့ပူပူကို ရှူပေးရင်လည်း နှာပိတ်တာ သက်သာပါတယ်။ ရေနွေးပူပူထဲမှာ ပျားရည်တစ်ဇွန်းနဲ့ သံပရာရည်တစ်စိတ် ညှစ်ထည့်သောက်ပေးရင် လည်ချောင်းနာနေတာ သက်သာသွားပါလိမ့်မယ်။

ငှက်ပျောသီး

ငှက်ပျောသီးက အစာခြေရလွယ်ပါတယ်။ ကလေးတွေ တုပ်ကွေးမိရင်ဖြစ်တတ်တဲ့ ပျို့တာ၊ အန်တာ၊ ၀မ်းအရည်သွား တာတွေဖြစ်ရင် ငှက်ပျောသီးက တကယ်သင့်တော်တဲ့ အစာပါ။ အရည်ပဲ သောက်နေရတဲ့ လူနာတွေ၊ အစာပျော့ပျော့ပဲ စားနေရတဲ့ လူနာတွေ အဖတ်စ,စားရတော့ မယ်ဆိုရင် ဆရာဝန်က ငှက်ပျောသီးနဲ့ပဲ စ,လေ့ရှိပါတယ်။

ပေါင်မုန့်မီးကင်

ပေါင်မုန့်မီးကင်နဲ့ ခရက်ကာမုန့်ကြွပ်ကလည်း တုပ်ကွေးကို တိုက်ဖျက်ရာမှာ သင့်တော်တဲ့ အစားအစာပါပဲ။ ကြက်သား ခေါက်ဆွဲပြုတ်နဲ့ တွဲစားမယ်ဆိုရင် အာဟာရလည်းပြည့်ဝသလို အစာအများကြီး တနင့်တပိုး စားလို့မရတဲ့ အချိန်မှာ ကျေလွယ်ညက်လွယ် အစာဖြစ်စေပါတယ်။

“ကျန်းမာရေး”ရဲ့ ချစ်ပရိသတ်ကြီးလည်း မပြောကောင်း၊ မဆိုကောင်း တုပ်ကွေးလေးများကွေးတဲ့အခါ မစားချင်၊ မသောက်ချင် ခံတွင်းပျက်နေရင် ဒီအစားအစာလေးတွေ စားပေးပြီး အမြန်ဆုံးနေပြန်ကောင်းကြပါစေနော်။

ရွှေဘုတ်

Ref credit>>>စက်တင်ဘာလထုတ်ကျန်းမာရေးမဂ္ဂဇင်းမှ