ပိန်းဥ၏ ကျန်းမာရေး အကျိုးကျေးဇူးများ

ပိန်းဥ၏ ကျန်းမာရေး အကျိုးကျေးဇူးများ

by NANG KHA YEA on 19.10.2012

ပိန်းဥကိုပြုတ်ပြီး သုပ်စားလေ့ ရှိသလို ဟင်းအဖြစ်လည်း ချက်ပြုတ်စားသောက် တတ်ကြပါတယ်။  ပိန်းဥရဲ့ အရသာကို ကလေးလူကြီး အများစုက ကြိုက်နှစ်သက်ကြတာကြောင့် သရေစာ အဖြစ်လည်း စားတတ်ကြပါတယ်။ ဒါကြောင့် ပိန်းဥရဲ့ ကျန်းမာရေး အာနိသင်တွေကို သိရှိနားလည်စေဖို့ ရေးသားလိုက်ရပါတယ်။



- ပိန်းဥမှာ အာလူးထက် ကယ်လိုရီ ပိုမိုပါဝင်ပါတယ်။ ပိန်းဥ ၁၀၀ ဂရမ်မှာ ၁၁၂ ကယ်လိုရီ ပါဝင်ပါတယ်။ ဒီကယ်လိုရီတွေက amylose နဲ့ amylopectin လို့ခေါ်တဲ့ ကာဗိုဟိုက်ဒရိတ်တွေကနေ အဓိကလာပါတယ်။ ဒါပေမဲ့ အဆီနဲ့ ပရိုတင်းပါဝင်မှု လျော့နည်းပါတယ်။ ပရိုတင်းပါဝင်မှု ပမာဏဟာ အာလူး၊ ငှက်ပျောသီး စတာတွေနဲ့ တူညီပါတယ်။

- ပိန်းဥမှာ အမျှင်ဓာတ် အများဆုံး ပါဝင်ပါတယ်။ ပိန်းဥ ၁၀၀ ဂရမ်မှာ တစ်နေ့တာ လိုအပ်တဲ့ အမျှင်ဓာတ်ရဲ့ ၁၁ ရာခိုင်နှုန်း (၄ ဒသမ ၁ ဂရမ်) ပါဝင်ပါတယ်။ ပေါင်းစပ် ကာဗိုဟိုက်ဒရိတ်အပြင် အမျှင်ဓာတ် အသင့်အတင့် ပါဝင်တာကြောင့် သွေးတွင်း သကြားဓာတ် ပမာဏကို တဖြည်းဖြည်း မြင့်တက်စေပါတယ်။

- ပိန်းဥမှာ ဗီတာမင် B6၊ ဖောလိတ်၊ ရိုင်ဘိုဖလေဘင်၊ ပန်တိုသီးနစ်အက်စစ်နဲ့ သိုင်ယာမင်တို့လို ဗီတာမင်ဘီအုပ်စု ပါဝင်ပါတယ်။

- ပိန်းဥမှာ ဇင့် (သွပ်)၊ မဂ္ဂနီဆီယမ်၊ ကြေးနီ၊ သံဓာတ်၊ မဂ္ဂနိစ်စတဲ့ အရေးကြီးတဲ့ သတ္တုဓာတ် ပါဝင်ပြီး အဲဒီသတ္တုဓာတ်တွေက ကျန်းမာရေးနဲ့ ညီညွတ်တဲ့ ပမာဏ ပါဝင်ပါတယ်။ ပိန်းဥမှာ ပိုတက်စီယမ်ပါဝင်ပြီး ပိုတက်စီယမ်ဟာ နှလုံးခုန်နှုန်းနဲ့ သွေးဖိအားကို ဟန်ချက်ညီအောင် ထိန်းချုပ်ပေးပါတယ်။

- ပိန်းဥမှာ အမျှင်ဓာတ်၊ ကာဗိုဟိုက်ဒရိတ်၊ သဘာဝအဆီ၊ အိုမီဂါ 3 ဖက်တီးအက်စစ်၊ အိုမီဂါ 6 ဖက်တီးအက်စစ်၊ ပရိုတင်းဓာတ်၊ ဗီတာမင်အေ၊ ဗီတာမင် B1၊ B2၊ B3၊ B5၊ B6၊ B9၊ ဗီတာမင်စီ၊ ကယ်လ်စီယမ်၊ သံဓာတ်၊ မဂ္ဂနီဆီယမ်၊ ဖော့စ်ဖရပ်စ်၊ ပိုတက်စီယမ်၊ ဆိုဒီယမ်၊ ကြေးနီ၊ မဂ္ဂနိစ်နဲ့ ဆီလီနီယမ်တို့ ပါဝင်ပါတယ်။

ပိန်းဥကိုစားရင် ယေဘုယျအားဖြင့် ရရှိတတ်တဲ့ အကျိုးကျေးဇူးတွေကတော့

- အမြင်အာရုံကို ကောင်းမွန်အောင် ပံ့ပိုးပေးနိုင်ပါတယ်။

- မျက်စိကို စိုစွတ်စေပါတယ်။

- ညဘက် မျက်စိမမြင်တာကို လျော့ကျစေပါတယ်။

- မျက်ဝန်းတစ်ဝိုက်ရှိ အရေပြားကို တင်းအား ကောင်းမွန်စေပါတယ်။

- ဗိုင်းရပ်စ်ပိုး ကူးစက်မှု မဖြစ်အောင် ကာကွယ်ပေးပါတယ်။

- ဗိုင်းရပ်စ်ပိုးဝင်လာရင် တွန်းလှန်ပေးပါတယ်။

- အသားအရေကို စိုပြည်စေပါတယ်။ အိုမင်းမှုဖြစ်စဉ်ကို လျှော့ချပေးပါတယ်။

- ဆဲလ်တွေကို အောက်ဆီဂျင်ကြောင့် ထိခိုက်မှု မဖြစ်အောင် ကာကွယ်ပေးပါတယ်။ ဖရီးရယ်ဒီကယ်ကြောင့် မထိခိုက်အောင် ကာကွယ်ပေးပါတယ်။

- နှာခေါင်းတစ်ဝိုက် အရေပြားကွာကျမှု ဖြစ်နှုန်းကို လျော့ကျစေပါတယ်။

- ပါးစပ်တစ်ဝိုက် ဖြစ်တတ်တဲ့ အနာတွေကို သက်သာစေပါတယ်။

- အရိုးတွေကို ကျန်းမာသန်စွမ်း စေပါတယ်။

- ဆဲလ်ထုတ်လုပ်မှုကို ပံ့ပိုးပေးပါတယ်။

- သိုင်းရွိုက်ဂလင်း ကျန်းမာအောင် ပံ့ပိုးပေးပါတယ်။

- သွေးတွင်း သကြားဓာတ်ကို ပုံမှန်ဖြစ်အောင် ထိန်းပေးပါတယ်။

- ပျို့ချင်အန်ချင်တာ မဖြစ်အောင် ကာကွယ်ပေးပြီး ပျို့အန်မှုကို လျှော့ချပေးပါတယ်။

- အကြားအာရုံ ဆုံးရှုံးမှု မဖြစ်အောင် ကာကွယ်ပေးပါတယ်။ ကြွက်သားတွေရဲ့ လုပ်ငန်းဆောင်တာ၊ နာ့ဗ်ကြောတွေရဲ့ လုပ်ငန်းဆောင်တာကို ကောင်းမွန်စေပါတယ်။

- မျိုးဆက်ပွားစနစ်ကို ကျန်းမာစေပါတယ်။ ကိုယ်ခံစွမ်းအားစနစ်ကို ကောင်းမွန်စေပါတယ်။

- သွားဖုံးကျန်းမာရေးကို ကောင်းမွန်စေပါတယ်။ မကြာခဏ ကူးစက်ပိုးဝင်မှု မဖြစ်အောင် ကာကွယ်ပေးသလို အအေးမိဝေဒနာ မဖြစ်အောင် ကာကွယ်ပေးနိုင်စွမ်း ရှိပါတယ်။

ကြယ်စင် Ref: Good Health
Source: http://news.yatanarpon.com.mm/news/review-69289