ဝိုင်းဆုခိုင်သိန်း ရဲ့အသားအရေနဲ့ကျန်းမာရေးထိန်းသိမ်းမူ့

 ဝိုင်းဆုခိုင်သိန်း ရဲ့အသားအရေနဲ့ကျန်းမာရေးထိန်းသိမ်းမူ့
by nang kha yea on 31.10.2012
 

သရုပ်ဆောင်ဘက်မှာရော၊ ဂီတဘက်မှာပါ ပရိသတ်တွေရဲ့အားပေးမှုကို ရရှိပိုင်ဆိုင်ထားတဲ့ ဝိုင်းစုခိုင်သိန်းဟာ မကြာခင်မှာ ပရိသတ်တွေအတွက် သူရဲ့ “မျက်လှည့်” တေးစီးရီး ဗီစီဒီထွက် ရှိမှာ ဖြစ်ပါတယ်။ ပြည်တွင်းပြည်ပ Show ပွဲတွေလည်း သီဆိုဖျော်ဖြေနေသလို ရုပ်ရှင်၊ ဗီဒီယို၊ ကြော်ငြာတွေကိုလည်း ရိုက်ကူးနေတဲ့ ဝိုင်းစုခိုင်သိန်းရဲ့ ကျန်းမာရေးနဲ့ အလှအပဆိုင်ရာ ထိန်းသိမ်း စောင့်ရှောက်မှုတွေကို မေးမြန်းခဲ့ပါတယ်။


ဝိုင်းစုရဲ့ ဖက်ရှင်တွေဟာ အရမ်းစတိုင်ကျ လှပလာတယ်နော်။

ဒါကတော့ ဝိုင်းစုနဲ့ လိုက်ဖက်မယ်ထင်တဲ့ ဖက်ရှင်လေးတွေကို ရွေးဝတ်လို့ပါ။ ဝိုင်းစုက နှစ်ဖက် စဉ်းစားရတယ်။ ရှိုးပွဲတွေမှာလည်း ကိုယ်ဆိုမယ့် သီချင်းတွေနဲ့ လိုက်ဖက်မယ့် အဝတ်အစား ဒီဇိုင်းလေးတွေကို ဒီဇိုင်နာနဲ့ တိုင်ပင်ပြီး ချုပ်ဝတ်ဖြစ်တယ်။ သရုပ်ဆောင်တဲ့ အခါမှာလည်း ကိုယ်သရုပ်ဆောင်ရမယ့် character ပေါ်မူတည်ပြီး ချုပ်ရတာပေါ့နော်။

အသားအရေနဲ့ ပတ်သက်ပြီး ဘယ်လိုဂရုစိုက် ထိန်းသိမ်းဖြစ်နေသလဲ။

အသားအရေအတွက်ကတော့ ဝိုင်းစု SK II သုံးတယ်။ ဒါကလည်း တစ်ယောက်နဲ့တစ်ယောက် မတူဘူး။ ဒီ Brand ကဝိုင်းစုနဲ့လည်း တည့်တဲ့အတွက် သုံးဖြစ်နေတာပါ။ အလှအပနဲ့ ပတ်သက်ပြီး ထွေထွေထူးထူး ပြုလုပ်တာမျိုး မရှိဘူး။ Skin Care တွေတော့ ပုံမှန် ပြုလုပ်ဖြစ်တယ်။ တစ်ခါတလေ Body Scrub လုပ်တယ်။
အနုပညာရှင် တစ်ယောက်အနေနဲ့ ခန္ဓာကိုယ် ဝိတ်မတက်လာအောင် ထိန်းသိမ်းဖို့က အရေးကြီးတယ်လို့ ထင်လား။
Body Structure ကိုထိန်းဖို့တော့ လိုတာပေါ့နော်။ Celebrity တစ်ယောက်အနေနဲ့ ကိုယ်ဝတ်မယ့် အဝတ်အစားနဲ့ လိုက်ဖက်မှုရှိအောင် Body လှဖို့ လိုအပ်တယ်။ မလှရင်တောင်မှ အသင့်အတင့်လေး ကြည့်ကောင်းဖို့ လိုအပ်တယ်။

ဝိုင်းစုအနေနဲ့ကော ဒီအတွက် ဘယ်လို ဂရုစိုက် ထိန်းသိမ်းဖြစ်နေလဲ။

ဝိုင်းစု အစားအသောက်စားတာ များသွားတဲ့အခါ ခန္ဓာကိုယ်က ပြည့်လာတဲ့အတွက် အဝတ်အစားတွေ ဝတ်တဲ့အခါမှာ အဆင်မပြေမှုတွေ ရှိတယ်။ ဒါကြောင့် အစားအသောက်ကို ပြန်ထိန်းရတယ်။ လောလောဆယ် ဝိုင်းစုရဲ့ စီးရီးထဲက ရုပ်ဆိုးမသီချင်းကို ဆိုလို့လား မသိဘူး။ ဝဝလာတယ်။

ဝိုင်းစုက ဘယ်လို Body Structure မျိုးသဘောကျလဲ။

ဝိုင်းစုက တုံးတုံးတစ်တစ်ကြီးတွေကို မကြိုက်ဘူး။ သွယ်သွယ်လျလျနဲ့ မိန်းကလေးတစ်ယောက်မှာ ရှိသင့်ရှိထိုက်တဲ့ အရာတွေကို သူ့နေရာနဲ့သူ ရှိတာလေးကိုပဲ ကြိုက်တယ်။ တစ်နေရာမှာကြီးပြီး တစ်နေရာမှာ သေးနေရင်လည်း ကြည့်ရတာ အဆင်မပြေဘူးလေ။
ကျန်းမာရေးအတွက်ရော၊ ခန္ဓာကိုယ် လှပမှုအတွက်ပါ ဘယ်လို အားကစားတွေ ပြုလုပ်ဖြစ်နေသလဲ။
Exercise ကိုတော့ ဝိုင်းစုစိတ်ပါတဲ့ အခါမှ လုပ်ဖြစ်တယ်။ ဝိုင်းစုအဓိက ပြုလုပ်ဖြစ်နေတာက ဗိုက်က အဆီတွေကျအောင် အိပ်ထမတင် လုပ်တယ်။ ခါးလှဖို့အတွက် ခါးလှည့်တဲ့ လေ့ကျင့်ခန်းတွေကိုတော့ လုပ်ဖြစ်ပါတယ်။

ဟိုတစ်လောက ဝိုင်းစုရဲ့ ခန္ဓာကိုယ်က နည်းနည်းပြည့်နေသလိုပဲနော်။

ဟုတ်တယ်။ ဝိုင်းစုအရင်တုန်းက သားအိမ်မှာ ရေအိတ်ဖြစ်တဲ့အတွက် သောက်ရတဲ့ ဆေးဒဏ်တွေကြောင့် မျက်နှာကပါ ပြည့်လာတယ်။
အဲဒီရောဂါအတွက် အခုနောက်ပိုင်းမှာ ဘယ်လို ဂရုစိုက်ဖြစ်နေသလဲ။
လက်ရှိမှာတော့ ကောင်းသွားပါပြီ။ ဒါပေမဲ့ဆေးကိုတော့ ခြောက်လ - တစ်နှစ်လောက်တော့ သောက်နေရပါတယ်။ အခုနောက်ပိုင်း သောက်ရတဲ့ ဆေးတွေကလည်း အရင်ဆေးနဲ့ မတူတဲ့အတွက် သိပ်ဝလာတာတော့ မရှိဘူး။ နောက်ပြီး ဝိုင်းစုက ညပိုင်း ၁၂ နာရီ- ၁ နာရီလောက်မှာ ဗိုက်ဆာရင် ထစားတတ်တဲ့ အကျင့်ရှိတဲ့အတွက် နောက်ပိုင်းမှာ ဒီအကျင့်ကို ဖျောက်နေရတယ်။

ဝိုင်းစုက ရှိုးတွေအတော်များများလည်း သီဆိုနေတဲ့အတွက် အသံနဲ့ပတ်သက်ပြီး ဂရုစိုက်ရတာမျိုးကော ရှိလား။

အသံနဲ့ပတ်သက်ပြီး အသံနာတာတွေ ရှိပေမယ့် အနားယူလိုက်တဲ့အခါမှာ သက်သာသွားတာပဲ။ အဓိကကတော့ Recording ရှိတဲ့အချိန်တွေမှာ ပိုပြီး ဂရုစိုက်ရတယ်။ ဝိုင်းစုက ဆီကြော်မုန့်တွေ စားပြီးရင် အသံကပ်တတ်တဲ့အတွက် ရှောင်တယ်။ နောက်ပြီး Recording သွင်းမယ့် ရက်တွေရှိရင် အိပ်ရေးဝအောင် အိပ်ပြီးမှ အသံသွင်းဖြစ်တယ်။
ဝိုင်းစုက သရုပ်ဆောင်ဘက်ရော၊ ဂီတဘက်ပါ ဆောင်ရွက်နေတဲ့ အတွက် Stress တွေတော့ ရှိမှာပေါ့နော်။
Stress များတဲ့အခါမှာ အေးအေးဆေးဆေး အနားယူဖြစ်တယ် ဆိုပေမယ့် အလုပ်မရှိဘဲ မနေတတ်ဘူး။ ဒါပေမဲ့ Stress များတဲ့အခါမှာ စိတ်တည်ငြိမ် အေးချမ်းအောင် ဘုရားရှိခိုး၊ ပုတီးစိပ်တာတွေတော့ ပြုလုပ်ဖြစ်တယ်။
မင်းအိုက်စွန်းန်